Versione Italiana | Nota biografica | Versione lettura |
Kamés? Sare cirikloré veitka
Keréna tuke miriklé giljéndir.
Kamés? Phenáv te balvaljá morítka
Janna tuke luludjá feldéndir.
Kamés? Mangáva me lolé khaméstir,
Te dal opré pro bolibén kalé ratjása.
Cenjá keráva tuke chonoréstir,
Cerhenjorjá churdáva burnikása.
Te sir tu mán, sir mé tut, pokamésa,
Saró po pa - jasvá te báxt - lidása,
So me phendjóm tu korkorí davá dikhésa,
Saré miré lavénge tu patjása.
A me hará kamáva tut ílésa.
Va túke te meráv me na darávas.
Sir khám jakhénca man tu tatkirésa.
Mé bi tiró pro svéto na divávas!