Versione Italiana | Versione lettura |
Lokhés peréna jivá pu fóros.
Pu kaštá an párki perén.
Parni cérha, sir parnú móros,
Trujál oblijá amén.
Só ménge roménge da móros?
Žin cangá fenu ménge jov si.
An da šukar paramišitku fóros
Zabistrásam, só tašá isís.
Isís trúš, isís bókh sav mólos.
Nadžindžám, so jachásam džidé,
Ki romén šatréndir an dólos
Karjé te dén sási jandlé.
Miriklénca beršá khudlé pen.
Palu žima javélas lináj.
But rajá, sir berlš, padrudlé pen,
Ne róm naxacijá nikáj.
Ošcó jekh berlš prournándija,
Ošcó jekh progijá baxtalés.
Javdžá... progijá... našándija...
Zakirás xotása « Nevés »
An šukar da paramišitku fóros
Ku skamín me da šlánka hada
Te roménge báx célu móros,
Sastipén Davléstir manga!